Psa 11 | NdeIBE | STEP | Kumqondisi wokuhlabela. ElikaDavida Mina ngiphephela kuJehova. Pho ungatsho kanjani kimi ukuthi: “Balekela entabeni yakho njengenyoni.

Psalms 11

Kumqondisi wokuhlabela. ElikaDavida

1 Mina ngiphephela kuJehova. Pho ungatsho kanjani kimi ukuthi: “Balekela entabeni yakho njengenyoni.

2 Ngoba, khangela, ababi sebewanwebile amadandila abo; imitshoko yabo sebeyixhume ezintanjeni ukuthi batshoke becatshile emathunzini beciba labo abaqotho ezinhliyweni.

3 Kambe uma kubhidlizwa izisekelo, kuyini abangakwenza abalungileyo na?”

4 UJehova usethempelini lakhe elingcwele; uJehova usesihlalweni sakhe sobukhosi basezulwini. Uyawakhangela amadodana abantu; amehlo akhe ayabahlola.

5 UJehova uyabahlola abalungileyo, kodwa ababi lalabo abathanda udlakela umphefumulo wakhe uyabazonda.

6 Ababi uzabehlisela amalahle avuthayo lesalufa etshisayo; umoya otshisayo uzabahaqaza.

7 Ngokuba uJehova ulungile, uthanda ukwahlulela okuhle; abaqotho bazabubona ubuso bakhe.